Londonning “Arsenal” klubining yangi futbolchisi Aleksandr Zinchenko maydondagi sevimli pozisiyasi haqida gapirdi.
35 million yevro evaziga «Manchester Siti»dan «Arsenal»ga o‘tgan 25 yoshli futbolchi ko‘p qirrali yarim himoyachi, ammo Xosep Gvardiola boshchiligida u chap qanot himoyachisi sifatida qayta kashf qilindi. Londonga ko‘chib o‘tgandan so‘ng, futbolchi tanishtiruv intervyusida qaysi pozisiya o‘ziga qulayroq ekanini aytdi:
«Murabbiy meni qayerda ko‘rsa, o‘sha yerda o‘ynayman. Bu oddiy javob, lekin bu haqiqat. Agar bir kun murabbiy mendan darvozada turishimni so‘rasa ham, men buni bajaraman», - deydi Zinchenko «Arsenal» rasmiy saytiga.
