Ҳужумчи Андри Гудьонсен "Норрчепинг" билан шартнома имзолади, деб хабар беради Швеция клуби расмий сайти.
20 ёшли исландиялик билан келишув шартлари ҳақида маълумот берилмаган. Ҳужумчи "Челси" ва "Барселона"нинг собиқ футболчиси Эйдур Гудьонсеннинг ўғли.
Гудьонсен "Реал Мадрид" тарбияланувчиси, аммо у ёзда клубни эркин агент сифатида тарк этди. Ўтган мавсумда у иккинчи жамоа учун 21 та ўйин ўтказиб, 4 та гол урди ва голли узатмани амалга оширди.