"Арсенал" ярим ҳимоячиси Александр Зинченко "канонирлар" устози Микель Артета "Манчестер Сити"га ўтиш қарорига энг катта таъсир кўрсатганини тан олди.

"Артета қароримга қанчалик таъсир қилди? Қароримда асосий рол ўйнаганини айтган бўлардим. Мен уни “Манчестер Сити”даги биргаликдаги фаолиятидан яхши биламан. У ердаги биринчи кунданоқ Артета жуда яхши мураббий бўлишини билардим. Унинг футболга қараши, айниқса, "Арсенал"нинг ўтган мавсумдаги ўйинларида яққол сезилди. Менга бу жуда ёқади", - деди Зинченко.

25 ёшли Зинченко "Арсенал" билан 4 йиллик шартнома имзолади. Александр 2016 йилдан буён “Манчестер Сити”да тўп тепиб келаётган эди.