Туриннинг "Ювентус" клуби собиқ юлдузи, Алессандро Дель Пьеро ўз фаолиятини Японияда давом эттириши мумкин. Италия ОАВ хабари беришича 37 ёшли футболчига Япония "J" лигасида иштирок этадиган "Санфрече Хиросима" клубидан қулай таклиф тушган.
Айни дамда италиялик машҳур футболчи келаси мавсумда қаерда тўп суриши ҳақидаги масалаларн ўйлаб кўрмоқда.
Италия нашрларидан бирининг айтишича, Делль Пьеро яқин 10 кун ичида бир тўхтамга келиши ва келажагини қайси ҳориж клубида давом эттиришини ҳал қилиб олиши керак.
Эслатиб ўтамиз 37 ёшли Дель Пьерога Япония клубидан ташқари, Испаниянинг "Малага", Канаданинг "Монреаль Импект" ҳамда Бразилиянинг "Ботафого" клубларидан таклиф тушган.
