"Қўқон-1912" жамоасининг Тошкент вилояти, Дўрмон посёлкасида олиб борган ўқув-йиғин машғулотлари ўз якунига етди. Йиғин давомида бир қатор янги футболчилар билан бирга ўринбосарлар таркибида ўзини кўрсатган ёшлар ҳам мураббийлар томонидан кўрикдан ўтказилди.
"Шунқорлар" иккита ўртоқлик ўйинида ҳам майдонга тушдилар. "Пахтакор" билан ўйинда 0-0 ҳисоби қайд этилган бўлса, Самарқанднинг "Динамо" жамоаси устидан йирик, 4-1 ҳисобида ғалаба қозонилди.
Бош мураббий Даврон Файзиев футболчиларга қисқа муддатли таътил эълон қилган. Энди "Қўқон-1912" жамоаси 27 июль кунидан Қўқон шаҳрида тўпланади ҳамда суперлиганинг 14 туридан ўрин олган "Нефтчи"га қарши баҳсга тайёргарлик кўришади. Қўқондаги йиғин давомида Яйпаннинг "Турон" жамоаси билан ўртоқлик учрашуви ҳам ўтказилади.
