"Реал"нинг собиқ футболчиси Хосе Кальехон "Гранада"га эркин агент сифатида ўтди, деб хабар беради Испания клуби расмий сайти.
35 ёшли испаниялик футболчининг "Гранада" билан шартномаси келаси йилнинг ёзига қадар мўлжалланган.
Сўнгги икки мавсумни вингер Италиянинг "Фиорентина" жамоасида ўтказди. Кальехон ўтган мавсумда “бинафшаранглар” сафида А Серияда 30 та ўйинда майдонга тушиб, 1 та гол урди ва 2 та голли узатмага муаллифлик қилган.
Эслатиб ўтамиз, футболчи "Реал" тарбияланувчиси бўлиб, у "Реал" таркибида жами 77 та ўйин ўтказиб, 20 та гол урган ва 7 та голга ассистентлик қилган.
Қолаверса, Кальехон “Наполи”даги ўйинлари билан танилган, у билан икки марта Италия кубоги ва бир марта мамлакат Суперкубогини қўлга киритган.
