"Барселона" ўзининг расмий дўкон сайтида ҳимоячи Жюл Кунде учун форма буюртма қилиш имкониятини қўшди. Кейинчалик тезкорлик билан бу техник хато бартараф этилди, дея хабар беради Befoot.
Каталонияликлар 24 ёшли франциялик футболчини "Севилья"дан трансфер қилишга яқин турибди. Музокаралар бир неча ҳафта давом этмоқда. Дастлабки маълумотларга кўра, трансфер суммаси 50 миллион еврони ташкил қилади, яна 10 миллиони бонус сифатида тақдим этилади.
Аввалроқ франциялик футболчи "Челси"га ўтишдан бош тортгани маълум бўлганди.
Ўтган мавсумда Кунде "Севилья" сафида барча мусобақаларда 44 ўйинда 3 та гол урди ва 1 та голли узатмани амалга оширди.
