Швеция терма жамоаси ҳужумчиси Златан Иброҳимович Евро-2012 гуруҳ ўйинида Ураинага қарши кечган ўйин (1:2) ҳақида фикр билдирди.
"Жуда қийин ўйин бўлди. Биз мағлубиятга учрамаслигимиз керак эди. Гол уриш учун жуда яхши вазиятларга эга бўлдик. Бунинг устига 1:0 ҳисобида ютаётган эдик. Аммо рақиб аввал ҳисобни тенглаштириб, бурчак тўпидан кейин яна гол ура олди. Бундай бўлиши керак эмасди. Лекин аҳволни ўнглаш учун яна иккита ўйинимиз турибди.
Мен биринчи бўлимда бироз асабийлашдим, иккинчи бўлимни яхши бошладим. Биз ҳаммамиз кучлироқ ўйнай бошладик.Лекин бу футбол: сен яхши ўйнаб туриб ҳам ютқазишинг мумкин.
Энди ўзимизни қўлга ола билишимиз керак. Олдинда иккита катта ўйин турибди. Биз бугунгидан ҳам кучлироқ ўйнашимиз керак. Тайёрланамиз. Биз кучли ўйнаётганимиздан чалғимай, дадилроқ ўйнашга ҳаракат қиламиз. Мусобақа битта ўйин билан чегараланиб қолмайди", - дея Иброҳимовичнинг сўзларини келтиради УЕФА расмий сайти.
