"Манчестер Юнайтед" бош мураббийи Эрик тен Хаг Криштиану Роналдуни жамоада қолишга ишонтирмоқчи.
Хабарингиз бор, сешанба куни португалиялик футболчи клуб билан келажагини муҳокама қилган, бироқ муросага келишмаган. Журналист Ману Сайнснинг сўзларига кўра, футболчи Эрик тен Хаг ҳам шахсан суҳбатлашган, бироқ суҳбат "таранг" деб таърифланган. Нидерландиялик мураббий Роналдуни қолишга кўндириб, уни лойиҳанинг истиқболига ишонтирмоқчи бўлди, бироқ мураббийнинг бу сўзлари Роналдуда унчалик таассурот қолдирмади, шу сабабли, португалиялик футболчи фикридан қайтмади ва барибир клубни тарк этмоқчи.
Яқин вақтгача "Атлетико" Криштиану Роналдуга асосий даъвогар ҳисобланарди, аммо Мадрид президенти "Манчестер Юнайтед" юлдузига қизиқиш ҳақидаги маълумотни рад этди.
