"Манчестер Юнайтед" бош мураббийи Майкл Кэррикка янги узоқ муддатли шартнома таклиф қилинади. Мутахассис январь ойида лавозимни эгаллади ва жамоа билан муваффақиятга эришиб, уни Чемпионлар Лигасига олиб чиқишга муваффақ бўлди.
Инсайдер Николо Скиранинг хабар беришича, "қизил иблислар" устоз учун меҳнат шартномасини узайтириш бўйича таклиф тайёрламоқдалар. Келишув муддати 2029 йилгача этиб белгиланиши кутилмоқда.
Ҳозирги вақтда "Манчестер Юнайтед" Премьер-лига финишига икки тур қолганда турнир жадвалида учинчи ўринни эгаллаб турибди. Агар жамоа якшанба кунига белгиланган навбатдаги ўйинда ўз майдонида "Ноттингем Форест"га ютқазмаса, кучли учликдаги ўрнини нақд қилади.
