"Ноттингем Форест" бош мураббийи Стив Купер "Манчестер Юнайтед"нинг собиқ ярим ҳимоячиси Жесси Лингарднинг келиши қолган футболчиларни ҳам руҳлантирганини айтди.
Купернинг фикрича, 29 ёшли англиялик футболчи янги жамоадошларига фойдали таъсир ўтказмоқда, машғулотларда ўзини яхши кўрсатмоқда.
"Жессининг келиши биз Премьер-лигада рақобатбардош бўлишни хоҳлаётганимизни англатади. Лингард шартнома имзолагани ҳақидаги хабар жамоадаги барчани руҳлантирди", - деди Купернинг клуб расмий сайтига.
Эслатиб ўтамиз, Чемпионшипнинг сўнгги мавсум натижаларига кўра, "Ноттингем Форест" 23 йил ичида биринчи марта Премьер-лигага чиқишга муваффақ бўлди.
Лингард ўтган мавсумда "Манчестер Юнайтед" сафида 21 та ўйинда майдонга тушиб, 2 та гол урди ва 1 та голли узатмани амалга оширди.
