Польша – Россия ўйинидан кейин поляк ва рус фанатлари яна тўқнаш келишди. Россиялик футбол мухлислари жойлашган Варшава марказида футболдан қайтаётган фанатларга польшаликлар ҳужум уюштиришди.
Жабр кўрганлар асосан оилавий футбол томоша қилгани борган эр-хотин ва ёш болалардан иборат эди. Аниқланишича, россияликлар орасида елкама-елка жанг қиладиган рус безорилари бўлмаган. "Чемпионат.com" мухбирининг хабар қилишича, воқеа жойида на тартибни сақлаш ходимлари ва на "тез ёрдам" машиналарини учратмаган.
Эслатиб ўтамиз, 12 июнь куни ҳали ўйин бошланмасдан аввал россиялик фанатлар 5 минг кишидан иборат намойиш уюштирган ва стадионга кираверишда уларга маҳаллий мухлислар ҳужум уюштирганди. Жанжалда бир неча киши жароҳат олганди.
