Европа футбол ассоциациялари иттифоқи (УЕФА) 2022/23 йилги мавсумда Еврокубок учрашувларига ташриф буюрадиган томошабинлар учун тик ўриндиқлардан фойдаланиш бўйича тест режими дастурини ишга туширди.
УЕФА расмий сайти хабарига кўра, дастур Англия, Германия ва Франция клублари стадионларида амалга оширилади ва гуруҳ босқичи, плей-офф ва еврокубокларнинг ярим финалигача бўлган даврда ўтказилади.
Жорий мавсум якунида эксперт хулосалари асосида УЕФА маъмурияти дастур натижаларини баҳолайди ва уни ижроия қўмитасига тақдим этади ва у дастур муддатини узайтириш бўйича қарор қабул қилади.
Эслатиб ўтамиз, Европа мусобақалари ўйинларида тик туриш тақиқи 1988 йилдан бери амал қилиб келади.
