Испан матбуоти хабарларига кўра, Аргентина терма жамоаси ва Мадриднинг "Реал" клуби яримҳимоячиси Анхель ди Мария клубдоши Криштиану Роналду ва "Барселона" форварди Лионель Месси ўртасида параллел ўтказган.
"Муваффақиятга доим интилиши ва ўзлари эришган ютуқларни янгилашга бўлган истаги билан улар бир бирига жуда ўхшаб кетади. Иккисида ҳам чек-чегара йўқ, улар мукамаллашишда давом этишмоқда. Роналду жисмоний жиҳатдан кучли, катта тезликка эга. Месси эса қисқа масофаларда тезлигини яхши ошира олади ва шу сифати билан рақибларини ўлдиради. Ҳеч қачон Мессининг кейинги сонияда нима қилишини олдиндан айтиб бўлмайди. Уларнинг ҳар иккиси менинг жамоадошларим эканлигидан жуда жуда фахрланаман", — деган ди Мария.