Киевдаги ресторанлардан бирида тамадди қилиб бўлгач, англиялик бир гуруҳ фанатлар ногирон шеригини унутиб қолдиришди ва Харьковга йўл олишди. Киевлик маҳаллий мухлислардан бири эса уни Харьковга жўнатишга кўмаклашди.
Ўша Киевдаги ресторан маъмурияти милиция ходимларига ногиронлар аравачасида бир чет эллик киши унутиб қолдирилганини маълум қилди. Мижоз ўзи ҳақида жўяли ҳеч нарса айтадиган даражада бўлмагани учун улар ногироннинг қайси жамоа фанати эканини ҳам билишолмади.
Милиция ходимлари келишгач, мижоз инглиз фанати экани маълум бўлди. Ресторанга ногирон дўсти билан келган мухлислар гуруҳи ичикилик оқибатида ёдидан кўтарилган ногиронни шу ерда қолдириб, ўзлари Харьков шаҳрига навбатдаги учрашувни томоша қилиш учун жўнаб кетишган.
Ресторан хўрандаларидан бири – киевлик футбол мухлиси инсонпарварликка намуна бўладиган иш қилди. Ногирон учун поездга чипта сотиб олди ва Харьковдаги танишлари орқали уни ўз ўртоқлари билан учраштиришга муваффақ бўлди.
“Мухлисларнинг бундай йўл тутиши ўз-ўзидан бир-бирига бўлган оқибатлари нишонасидир. Турли жойлардан ташриф буюрган мухлисларнинг ўзаро муносабатлари турнирнинг савиясидан дарак бериб турибди. Милиция ходимларига нисбатан бўлган тушунча ва муносабатлар ҳам яхши. Шунингдек, милиция ходимларининг ҳам чет эллик меҳмонлар билан алоқаси мақтовга сазовор: улар билан суратга тушишмоқда, баъзи жабҳаларда кўмакларини аяшмаяпти”, - дейди маҳаллий милиция ходимларидан бири.
