"Наполи" ярим ҳимоячиси Пётр Зелиньски ёзда Лондоннинг "Вест Хэм" клубини трансфер мақсади бўлиб турибди. АS нашрининг ёзишича, инглиз клуби раҳбарияти польшалик ярим ҳимоячи билан шартнома имзолашга тайёр.
"Болғачилар" неаполликлар клубига янги таклиф билан чиқишди. "Вест Хэм" Пётр Зелиньски учун 40 миллион евро тўлашга тайёр. Бу Италия томони ўз футболчиси учун олмоқчи бўлган сумма. Клублар шу ҳафта охиригача шартнома борасида келишиб олишлари мумкин.
28 ёшли польшалик футболчи 2016 йилнинг августидан бери "Наполи"да тўп сурмоқда. Унинг клуб билан шартномаси яна икки мавсумга мўлжалланган.
