"Челси" бош мураббийи Томас Тухель жамоани бутунлай тарк этмоқчи бўлган ҳужумчи Армандо Броянинг кетишига тўсқинлик қилмоқда. Бу ҳақда журналист Фабрицио Романо хабар бермоқда.
Лондоннинг “Вест Хэм” клуби “Сассуоло”дан Жанлука Скамаккани сотиб олгани сабабли, Брояга даъвогарлар сони икки жамоага қисқарди – “Эвертон” ва “Ньюкасл”. Бироқ бу клубларнинг ҳеч бири ҳозирча талаб қилинадиган 35 миллион еврони тўлашга рози бўлмаган.
Тухель Брояда истиқболли футболчини кўрмоқда, шунинг учун у билан доимий равишда хайрлашишни истамайди. Германиялик мутахассис альбаниялик футболчини мавсумолди йиғинларда баҳолаб, кейин ё ижарага бериш ёки асосий таркибда олиб қолмоқчи.
