"Chelsi" bosh murabbiyi Tomas Tuxel jamoani butunlay tark etmoqchi bo‘lgan hujumchi Armando Broyaning ketishiga to‘sqinlik qilmoqda. Bu haqda jurnalist Fabrisio Romano xabar bermoqda.
Londonning “Vest Xem” klubi “Sassuolo”dan Janluka Skamakkani sotib olgani sababli, Broyaga da’vogarlar soni ikki jamoaga qisqardi – “Everton” va “Nyukasl”. Biroq bu klublarning hech biri hozircha talab qilinadigan 35 million yevroni to‘lashga rozi bo‘lmagan.
Tuxel Broyada istiqbolli futbolchini ko‘rmoqda, shuning uchun u bilan doimiy ravishda xayrlashishni istamaydi. Germaniyalik mutaxassis albaniyalik futbolchini mavsumoldi yig‘inlarda baholab, keyin yo ijaraga berish yoki asosiy tarkibda olib qolmoqchi.