"Бавария" спорт директори Хасан Салихамиджич ўйинлар вақтида Мюнхен клуби захира ўриндиғида ўтирмасликка қарор қилди. Босниялик функционер бу ҳақда Sport Bild нашрига берган интервьюсида айтиб ўтди.
“Мен ўйинлар вақтида захирада ўтирмасликка қарор қилдим. Бунинг ўрнига трибунада Оливер Каннинг ёнида бўламан”, - деди Салихамиджич.
Эслатиб ўтамиз, “Бавария” спорт директори ушбу трансфер ойнасида клубга бир қанча муҳим келишувларни амалга оширишда ёрдам берган. Мюнхенликлар сафига Нуссер Мазрауи, Райан Гравенбер, Матиас де Лигт, Матиас Тьел ва Садио Мане қўшилди. Умуман олганда, клуб бозорда 137,5 миллион евро сарфлади.
