"Bavariya" sport direktori Xasan Salixamidjich o‘yinlar vaqtida Myunxen klubi zaxira o‘rindig‘ida o‘tirmaslikka qaror qildi. Bosniyalik funksioner bu haqda Sport Bild nashriga bergan intervyusida aytib o‘tdi.
“Men o‘yinlar vaqtida zaxirada o‘tirmaslikka qaror qildim. Buning o‘rniga tribunada Oliver Kanning yonida bo‘laman”, - dedi Salixamidjich.
Eslatib o‘tamiz, “Bavariya” sport direktori ushbu transfer oynasida klubga bir qancha muhim kelishuvlarni amalga oshirishda yordam bergan. Myunxenliklar safiga Nusser Mazraui, Rayan Gravenber, Matias de Ligt, Matias Tyel va Sadio Mane qo‘shildi. Umuman olganda, klub bozorda 137,5 million yevro sarfladi.













