"Атлетико" ва "Челси" клубларининг собиқ ҳужумчиси Диего Коста фаолиятини Мексика чемпионатида давом эттириши мумкин, деб хабар беради Fox Sports.
Манбага кўра, "Крус Асуль" клуби 33 ёшли испаниялик футболчи билан шартнома имзолаш ниятида.
Испания терма жамоаси собиқ ҳужумчисининг сўнгги клуби Бразилиянинг "Атлетико Минейро" жамоаси бўлиб турибди, у шу йилнинг январь ойида эркин агент сифатида жамоани тарк этганди.
Эслатиб ўтамиз, Коста икки карра Испания ва Англия чемпиони бўлган, шунингдек, икки марта Европа Лигаси ва уч марта УЕФА Суперкубогини қўлга киритган.
