"ПСЖ" ёзда ярим ҳимоячи Рафинья Алкантарани сотишга тайёр.
Манбага кўра, парижликлар раҳбарияти 29 ёшли бразилияликни 5 миллион еврога баҳоламоқда. Қайд этилишича, «ПСЖ» ўз футболчисини «Ботафого»га таклиф қилган, бироқ Бразилия клуби эҳтимолий келишувдан бош тортган.
Эслатиб ўтамиз, футболчи ўтган мавсумнинг иккинчи қисмини ижара асосида "Реал Сосьедад" клубида ўтказган ва 20та ўйинда битта гол урган эди. Илгари у "Барселона", "Сельта" ва "Интер" клубларида ҳам ўйнаган.
Рафиньянинг парижликлар билан амалдаги шартномаси келаси йилнинг ёзига қадар тузилган.
