"PSJ" yozda yarim himoyachi Rafinya Alkantarani sotishga tayyor.
Manbaga ko‘ra, parijliklar rahbariyati 29 yoshli braziliyalikni 5 million yevroga baholamoqda. Qayd etilishicha, «PSJ» o‘z futbolchisini «Botafogo»ga taklif qilgan, biroq Braziliya klubi ehtimoliy kelishuvdan bosh tortgan.
Eslatib o‘tamiz, futbolchi o‘tgan mavsumning ikkinchi qismini ijara asosida "Real Sosyedad" klubida o‘tkazgan va 20ta o‘yinda bitta gol urgan edi. Ilgari u "Barselona", "Selta" va "Inter" klublarida ham o‘ynagan.
Rafinyaning parijliklar bilan amaldagi shartnomasi kelasi yilning yoziga qadar tuzilgan.
