"Севилья" бош мураббийи Хулен Лопетеги "Арсенал"га қарши ўртоқлик учрашувидаги мағлубият (0:6) ҳақида фикр билдирди.
“Буюк жамоаларга қарши ўйинларда бундай вазиятлар юзага келиши мумкин. 19-дақиқадан кейин “Арсенал” 4:0 ҳисобида олдинда бораётганди.
Мавсум олди ишларидан хулоса чиқаришимиз керак. Премьер-лига жамоалари билан иккита ўйинимиз бор ва асосий таркиб билан боғлиқ муаммоларимиз ҳам етарли.
Ҳозир футболчилар жабр кўрмоқда, аммо бу мағлубият бизга қимматли сабоқ беради", - дея Лопетегининг сўзларини келтиради Marca.
“Севилья” 31 июль куни “Лестер”га қарши ўртоқлик учрашувида майдонга тушади. 12 август куни Лопетеги шогирдлари Испания чемпионатидаги илк ўйинини “Осасуна”га қарши ўтказади.
