Лондоннинг "Арсенал" клуби янги аъзоси Александр Зинченко "канонирлар" сафига ўтиш олдидан "Манчестер Сити" билан сўнгги машғулотларида ўзини қандай ҳис қилганини айтиб берди.
“Мен биринчи марта жамоа билан машғулот ўтказяпман ва бир неча кундан кейин кетишимни билардим. Бу ҳиссий жиҳатдан жуда қийин эди. Бироқ, шу билан бирга, мен янги чақирув ҳақида ўйладим. Лондон клуби сафига қўшилишни интиқлик билан кутгандим”, деди Зинченко.
Александр бир ҳафта олдин "канонирлар" сафига келиб қўшилган ва узоқ муддатли шартнома имзолаганди. Унинг трансфери Лондон клубига 35 миллион еврога тушди.
