"ПСЖ" ҳимоячиси Серхио Рамос Франция Суперкубоги учун ўйинда "Нант" устидан қозонилган ғалаба (4:0) ҳақида фикр билдирди.
“Биз натижадан жуда мамнунмиз. Жамоа жуда яхши ўйнади. Мен мавсумдаги илк совриним ва "ПСЖ" билан биринчи финалим билан фахрланаман. Ҳали кучим кам, лекин мухлислар клуб футбол ўйнашни хоҳлашини тушунишлари учун кўп югурдик ва ўйнадик. Йигитлар назоратни ушлаб туришди ва бирорта ҳам гол ўтказиб юборишмади. Биз 4:0 ҳисобида ғалаба қозондик, бу мавсумдаги биринчи чемпионлик ва мен учун муҳим гол”, - дейди Рамос.
"ПСЖ" 2022 йилги Франция Суперкубогида “Нант”ни 4:0 ҳисобида мағлуб этди. Неймар дубль қайд этган бўлса, Лионель Месси ва Серхио Рамос яна биттадан голларга муаллифлик қилишди.
