Ҳужумчи Роберт Левандовски "Барселона" билан Америка сафаридан қайтгач, дарҳол Мюнхенга йўл олди.
Левандовски атрофидаги трансфер достони яқинда якунланди. Польша терма жамоаси сардори ўз мақсадига эришди ва "Бавария"дан "Барселона"га ўтди.
Узоқ вақт давомида "Бавария"дан "Барселона"га сотилишини сўраган ҳужумчи, охир-оқибат ниятига етди. Польяк гол урмаган бўлса-да, Каталония жамоаси таркибида Америка сафари давомида 3 та ўйин ўтказишга муваффақ бўлди.
Турнедан қайтгач, "Барса" футболчиларига 3 августгача дам берилди ва Левандовски, испан журналистларининг фикрича, дарҳол Мюнхенга жўнаб кетди.
Катта эҳтимол билан ҳужумчи собиқ жамоадошлари ва клуб ходимлари билан муносиб хайрлашиш учун Германияга учиб кетган.
