"Барселона" бош мураббийи Хави Эрнандес АҚШдаги мавсумолди сафари чоғида жамоанинг ўйинига юқори баҳо берди. Клуб август ойида бошланадиган Испания чемпионати стартига ҳозирлик кўрмоқда.
“Мавсум олдидан хурсандман. Жамоа жисмоний жиҳатдан ажойиб иш қилди. Мавсум бошланишига яна икки ҳафта вақт қолгани яхши. Биз қаттиқ меҳнат қиламиз ва курашишга тайёрмиз. Мураббийнинг вазифаси ўз ўйинчиларни имкон қадар яхши тайёрлашдир", - дея иқтибос келтиради Маrcа Хавининг сўзларидан.
13 август куни “Барселона” Ла Лиганинг 1-тури доирасида “Райо Валекано”га қарши баҳс олиб боради.
