Ҳужумчи Дрис Мертенсга икки клуб қизиқмоқда. Журналист Николо Скиранинг тарқатган маълумотига кўра, бельгиялик футболчига Италиянинг "Салернитана" ва Туркиянинг "Трабзонспор" жамоалари қизиқиш билдирмоқда.
Мертенснинг ўзи ҳали келажаги ҳақида бир қарорга келмаган. Футболчи "Наполи"ни тарк этганидан кейин эркин агент мақомида. Аввалроқ бельгиялик футболчининг "Ювентус" клубига ўтиши мумкинлиги ҳақида ҳам хабарлар тарқалган эди.
Ўтган мавсумда 35 ёшли Мертенс Италия А Сериясида 11 та гол урди. Ўйинчи "Наполи"да қолиши мумкин эди, аммо клуб бельгиялик футболчининг молиявий эҳтиёжларини қондириш ниятида эмас.