Лондоннинг "Фулхэм" жамоаси ҳимоя марказини кучайтириш учун асосий номзодларни аниқлади. The Athletic нашри хабарига кўра, "Фулхэм" Маланг Саррнинг трансфери бўйича "Челси"га таклиф билан чиққан. Клуб “Вест Хэм”дан Исса Диопни ҳам сотиб олмоқчи.
Эслатиб ўтамиз, Сарр ўтган мавсумнинг иккинчи ярмида "Челси" сафида Англия Премьер-лигасида бир нечта ўйинларни ўтказди. Диоп эса Англия чемпионатининг сўнгги мавсумида 13 марта майдонга тушди.
Айни пайтда "Фулхэм" Лондон клубидан яна бир футболчини - "Арсенал" посбони Бернд Лено билан шартнома имзолашга яқин турибди.
