"Брайтон" ҳимоячиси Марк Кукурелья ушбу трансфер ойнасида бошқа жамоага ўтиши мумкин.
Аввалроқ “Манчестер Сити” испаниялик футболчининг трансфери бўйича музокаралардан воз кечган бўлса, энди бу курашга Лондоннинг “Челси” клуби ҳам қўшилди. Бу ҳақда журналист Натан Гиссинг ижтимоий тармоқларда хабар берди.
Кукурелья нафақат чап қанот ҳимоячиси позициясида ўйнайди, балки ҳимоя марказида ҳам ўйнай олади. Айнан ўзининг серқирралиги туфайли испаниялик футболчи "Челси" бош мураббийи Томас Тухелнинг эътиборини тортмоқда.
Эслатиб ўтамиз, Кукурелья "Манчестер Сити"га кетмоқчи. Футболчи фаолиятини давом эттириш учун бошқа вариантларни кўриб чиқишга тайёрми ёки йўқлиги ҳозирча номаълум.
