Англия ва Германия ўртасидаги футбол бўйича аёллар ўртасидаги Европа чемпионатининг финал учрашуви 2022 йилда Британия ва Германия телевидениесида энг кўп томоша қилинган воқеа бўлди, деб хабар бермоқда Mirror.
Манбага кўра, Англияга қарши финал ўйинини кузатган немис телетомошабинларининг энг юқори аудиторияси 17,9 миллион кишини ташкил қилган. Англияда энг юқори аудитория 17,4 миллион кишини ташкил этди. Шунингдек, трансляцияни стриминг хизматларида яна 5,9 миллион киши томоша қилгани қайд этилган.
Шу тариқа, аёллар ўртасидаги Европа чемпионати финали йилнинг энг кўп томоша қилинган телекўрсатувлари қаторидан жой олди. Эслатиб ўтамиз, Англия терма жамоаси турнир финалида Германия терма жамоасини қўшимча вақтларда 2:1 ҳисобида мағлуб этиб, илк бор аёллар ўртасидаги Европа чемпионатида ғолиб чиқди.