Россия Федерациясининг Владивосток шаҳрида ўтаётган VII “Осиё болалари” спорт ўйинларининг тўртинчи кунги беллашувлари кеча бўлиб ўтди.

Тўртинчи кунги беллашувлар ҳам вакилларимиз учун омадли келди. Кечаги беллашувларида ҳамюртларимиз 8та медаль қўлга киритишди.

Шу тариқа, “Осиё болалари” спорт ўйинларида Ўзбекистон делегацияси тўртинчи кунги беллашувлардан кейин 11та олтин, 12та кумуш ва 18та бронза, жами 41та медаль билан 4-ўринга кўтарилди.

Ҳамюртларимиз мусобақа давомида қуйидаги спорт турлари бўйича ғолиб ва совриндор бўлишди:

3х3 баскетбол: 1та олтин,
Сузиш: 1та кумуш, 2та бронза,
Стол тенниси: 1та кумуш, 2та бронза,
Енгил атлетика: 3та олтин, 1та кумуш ва 7та бронза,
Бадиий гимнастика: 2та кумуш, 3та бронза,
Таэквондо: 3та олтин, 2та кумуш ва 2та бронза,
Юнон-рум кураши: 4та олтин, 5та кумуш ва 2та бронза.

Маълумот учун: 2 август куни спортчиларимиз енгил атлетика, бокс, дзюдо, ўқ отиш ва спорт курашларида медаллар учун кураш олиб боришади.