Rossiya Federasiyasining Vladivostok shahrida o‘tayotgan VII “Osiyo bolalari” sport o‘yinlarining to‘rtinchi kungi bellashuvlari kecha bo‘lib o‘tdi.
To‘rtinchi kungi bellashuvlar ham vakillarimiz uchun omadli keldi. Kechagi bellashuvlarida hamyurtlarimiz 8ta medal qo‘lga kiritishdi.
Shu tariqa, “Osiyo bolalari” sport o‘yinlarida O‘zbekiston delegasiyasi to‘rtinchi kungi bellashuvlardan keyin 11ta oltin, 12ta kumush va 18ta bronza, jami 41ta medal bilan 4-o‘ringa ko‘tarildi.
Hamyurtlarimiz musobaqa davomida quyidagi sport turlari bo‘yicha g‘olib va sovrindor bo‘lishdi:
3x3 basketbol: 1ta oltin,
Suzish: 1ta kumush, 2ta bronza,
Stol tennisi: 1ta kumush, 2ta bronza,
Yengil atletika: 3ta oltin, 1ta kumush va 7ta bronza,
Badiiy gimnastika: 2ta kumush, 3ta bronza,
Taekvondo: 3ta oltin, 2ta kumush va 2ta bronza,
Yunon-rum kurashi: 4ta oltin, 5ta kumush va 2ta bronza.
Ma’lumot uchun: 2 avgust kuni sportchilarimiz yengil atletika, boks, dzyudo, o‘q otish va sport kurashlarida medallar uchun kurash olib borishadi.
