"Ювентус" ярим ҳимоячиси Поль Погба операциядан воз кечишга қарор қилди, дея хабар беради инсайдер Николо Скира.
Сўнгги маслаҳатлашувлардан сўнг мениск жароҳатидан фориғ бўлаётган "Юве" ярим ҳимоячиси консерватив даволанишни давом эттиришга қарор қилди.
Яқинда 29 ёшли футболчи янги жамоаси билан машғулотлар пайтида ўнг тиззасидан жароҳат олди. Кейин французда мениск жароҳати борлиги аниқланди.
Агар операция қилинганида, Поль Қатарда бўлиб ўтадиган жаҳон чемпионатини ўтказиб юбориш хавфи бор эди.
Погба шу ёзда “Ювентус”га текинга ўтди ва 4 йиллик шартнома имзолади. Ярим ҳимоячининг аввалги жамоаси "Манчестер Юнайтед" эди.
