"Аталанта" раҳбарияти ярим ҳимоячи Алексей Миранчукни бир шарт билан "Торино"га қўйиб юборишга тайёр, дея хабар беради журналист Жанлука Ди Марцио.

Манбага кўра, бергамасклар 26 ёшли россияликни сотмоқчи эмас, балки уни ижарага беришга рози. Шу билан бирга, “Торино” футболчини 12 миллион еврога сотиб олиш ҳуқуқига эга ижарага олмоқчи.

Миранчук “Аталанта”да 2020 йилнинг сентябрьидан буён ўйнаб келмоқда. Ўтган мавсумда россиялик футболчи жамоаси сафида 25 та ўйинда майдонга тушиб, 2 та гол урди ва 5 та голли узатмани амалга оширди. Футболчининг "Аталанта" билан шартномаси 2024 йилнинг июнь ойи охиригача амал қилади.