"ПСЖ" дарвозабони Кейлор Навас, агар "Наполи" Кепа Аррисабалага билан шартнома имзолай олмаса, дарвозабон позицияни кучайтириш учун асосий нишонга айланади.
Айни дамда Лондон клуби билан музокараларда олдинга силжиш кузатилмаяпти, дея хабар беради Италиянинг Sky Sports нашри.
Нашрнинг ёзишича, “Наполи” президенти Аурелио Де Лаурентис жамоа бош мураббийи Лучано Спалеттининг талабларини бажаришга ва коста-рикалик дарвозабон билан шартнома имзолашга тайёр.
Яқинда "ПСЖ"нинг янги бош мураббийи Кристоф Галтье Кейлорга бошланғич мавсумдаги иккинчи дарвозабон сифатида ишонишини айтди.
Олдинроқ "Наполи" Кепа Аррисабалага трансфери бўйича "Челси" билан келишувга яқин тургани хабар қилинганди, бироқ клублар асосий молиявий масалалар, хусусан, бонуслар тўлаш борасида ҳалигача келиша олишмаган.
Маълумот ўрнида, Навас парижликлар сафига 2019 йилда "Реал"дан келиб қўшилган.