"Барселона"дан "Лос-Анжелес" сафига трансфер қилинган Рики Пуч каталониялик мухлисларга хайрлашув мактубини ёзди.
“Бугун барчангиз билан ҳаётимнинг бир қисми билан хайрлашиш вақти келди.
Болалигимда бир кун келиб “Камп Ноу”да ўйнайман, деб ўйламаган эдим. Ғурур билан айтишим мумкинки, мен ўз буюк орзуйимни амалга оширдим.
Барча мухлисларга шуни айта оламанки, "Барса" футболкасини кийганимда ҳар дақиқада сизнинг қўллаб-қувватлашингизни ҳис қилдим.
Мен ўзим билан кўплаб хотиралар, ажойиб дақиқаларни ҳеч қачон унутмайман. Барча клуб ходимларига, жамоадошларига ва мураббийларга бу йиллар давомида менга ёрдам берган барчага раҳмат деб қоламан", - деб ёзди Пуч.
Маълумот ўрнида испаниялик ярим ҳимоячи МЛС клубига текинга йўл олди. "Барселона" унинг кейинги трансфердан 50 фоиз миқдорида пул олади.
