"Barselona"dan "Los-Anjeles" safiga transfer qilingan Riki Puch kataloniyalik muxlislarga xayrlashuv maktubini yozdi.
“Bugun barchangiz bilan hayotimning bir qismi bilan xayrlashish vaqti keldi.
Bolaligimda bir kun kelib “Kamp Nou”da o‘ynayman, deb o‘ylamagan edim. G‘urur bilan aytishim mumkinki, men o‘z buyuk orzuyimni amalga oshirdim.
Barcha muxlislarga shuni ayta olamanki, "Barsa" futbolkasini kiyganimda har daqiqada sizning qo‘llab-quvvatlashingizni his qildim.
Men o‘zim bilan ko‘plab xotiralar, ajoyib daqiqalarni hech qachon unutmayman. Barcha klub xodimlariga, jamoadoshlariga va murabbiylarga bu yillar davomida menga yordam bergan barchaga rahmat deb qolaman", - deb yozdi Puch.
Ma’lumot o‘rnida ispaniyalik yarim himoyachi MLS klubiga tekinga yo‘l oldi. "Barselona" uning keyingi transferdan 50 foiz miqdorida pul oladi.