Англияда Премьер-лиганинг навбатдаги мавсуми бошланди, биринчи ўйинда "Кристал Пэлас" ўз майдонида Лондоннинг "Арсенал" жамоасига 0:2 ҳисобида имкониятни бой берди. Киритилган голларнинг биринчисига бразилиялик ҳужумчи Габриэль Мартинелли муаллифлик қилди.
Қизиғи шундаки, Мартинелли Премьер-лигада мавсумдаги илк голини урган бразилиялик биринчи футболчи бўлди. Шу кунгача бирорта ҳам бразилиялик футболчи АПЛнинг янги мавсумидаги дастлабки голини киритиш уддасидан чиқа олмаганди.
Англия Премьер-лигасининг навбатдаги турида Лондоннинг “Арсенал” клуби ўз майдонида “Лестер”ни қабул қилади, бу ўйин 13 август куни бўлиб ўтади.
