"Кристал Пелэс" ва "Арсенал" жамоалари ўртасидаги учрашув Англия Премьер-лигасининг янги мавсумини очиб берди. Учрашувда “канонирлар” 2:0 ҳисобида ғалаба қозонишди.
Sport Bible нашрининг ёзишича, учрашув давомида аёлларга нисбатан зўравонликка қарши акция бўлиб ўтган. У "Арсенал" фан-клубининг Level Up гуруҳи томонидан ташкиллаштирилди. Учрашув чоғида “Зўравонларни майдондан ҳайдаб юборинг” деган баннер кўтарилган самолёт стадион устидан учиб ўтди.
Аввалроқ, "Арсенал" ярим ҳимоячиси Томас Парти зўрлашда айбланган эди. Ўз шахсини ошкор этмаган қиз “канонирлар” футболчиси содир этгани айтилаётган жиноят ҳақида гапирди.
