«Палмейрас» ҳужумчиси Витор Роке «Челси» ва «Манчестер Юнайтед» клублари қизиқиш доирасига тушди.
Transfer News Live журналист Экрем Конурга таяниб хабар беришича, Англиянинг икки гранди 21 ёшли бразилиялик футболчининг ривожини кузатмоқда ва уни қишки трансфер ойнасида сотиб олиш имкониятини кўриб чиқмоқда. Ҳозирча клублар ўртасида музокаралар олиб борилмаяпти, улар фақат футболчи ҳақида маълумот тўпламоқда.
«Палмейрас» Роке учун тахминан 50–60 миллион евро ҳамда унинг кейинги трансферидан улуш талаб қилиши мумкин. Ҳужумчи 2025 йил февраль ойида 25,5 миллион евро эвазига «Барселона»дан «Палмейрас»га ўтган.
Transfermarkt 21 ёшли футболчининг ҳозирги бозор қийматини 38 миллион евро деб баҳоламоқда.
