Эрик тен Хаг Криштиану Роналду Премьер-лиганинг 1-тури ўйинида керакли таъсир кўрсатдими ёки йўқлигини тушунтирди.

Португалиялик ҳужумчи “Манчестер Юнайтед” “Брайтон” билан ўйиннинг 53-дақиқасида ҳисоб 0:2 эканлигида майдонга тушди. Шундан сўнг манкунианликлар 1:2 ҳисобида мағлуб бўлишди.

“Бу олдиндан ўйланган нарса эди. Иккинчи бўлимда ярим ҳимояда яхшироқ ишлаганимиз сезилди. Чунки Эриксен орқароққа Роналду эса олдинга чиқарилди.

Биз хавфли вазиятлар яратдик ва Рэшфорд иккита жуда яхши имкониятга эга бўлди. Афсуски, ҳисобни тенглаштира олмадик.

Роналдуни қайтишга мажбурлаб бўлмайди, формага кириш учун вақт керак. Бу 35-40 дақиқа унга ёрдам беради, келаси ҳафта эса унинг аҳволи яхшиланади”, - деди “Манчестер Юнайтед” бош мураббийи.