"Манчестер Юнайтед" сардори Гарри Магуайр АПЛнинг 1-турида "Брайтон" жамоасидан қабул қилиб олинган мағлубият ҳақида фикр билдирди.

"Биз ўйинга ижобий ёндашдик, мавсумолди тайёргарликни яхши ўтказдик. “Олд Траффорд”да танаффус олдидан 0:2 ҳисобида мағлуб бўлиш даҳшатли эди. Биринчи гол ўтказиб юборганимизда, бу бизга жиддий зарба бўлди. Ўшандан сўнг биз ўйнашни тўхтатдик.

Ўйлайманки, иккинчи бўлимда яхши ўйни намойиш этдик деб ўйлайман, лекин умуман олганда биз етарлича ҳаракат қилмадик. Бизда катта босим ва тўпни назорати қилиш борасида устунлик бор эди, лекин биз кўпроқ ижодий бўлишимиз ва буни яхшилашимиз керак. Буни ўзгартиришимиз керак, акс ҳолда муваффақиятсизлик давом этаверади. Биринчи гол барча 11 нафар футболчимиз учун катта зарба бўлди.

Ўтган мавсумни ёмон ўтказдик. Энди бизда янги мураббий бор, у ўз фалсафасини жамоага етказишга ҳаракат қилмоқда, аммо биз буни тўғри тушунмасак, биз жуда ёмон кўринамиз." - деди Магуайр.