"Челси" "Монако"га ҳимоячисини ижарага беради.

Лондон клуби монегаскликлар жамоаси билан Маланг Сарр трансфери бўйича оғзаки келишувга эришди, деб хабар беради The Athletic журналисти Девид Орнштейн.

Гап футболчи янги клубида маълум кўрсаткичларга эришса, 15 миллион еврога сотиб олиш мажбурияти билан ижара ҳақида кетмоқда. Томонлар якуний тафсилотларни ҳал қилишади.

Сарр жисмоний кўриклар учун Монакога борди. Агар трансфер учун тўлов бўлса, монегасклар у билан 5 йиллик шартнома имзолайди.

Маланг ўтган мавсумда Премьер-лигада 8 та ўйинда майдонга тушиб, 2 та сариқ карточка олди.