"Болонья" бош мураббийи Синиша Михайлович "Манчестер Юнайтед"нинг ҳужумчи Марко Арнаутовичга қизиқиши ҳақида фикр билдирди.
"Агар у "Манчестер Юнайтед"га ўтса, мен Марко учун хурсанд бўлардим, лекин у кетади деб ўйламайман. Биз Арнаутович билан "Манчестер Юнайтед" таклифи ҳақида гаплашдик - у кетадими ёки йўқми - кўрамиз... лекин у ҳали ҳам қолади деб ўйлайман", - дея Михайловичнинг сўзларидан иқтибос келтиради журналист Фабрицио Романо ўзининг Twitter саҳифасида.
Эслатиб ўтамиз, аввалроқ “Манчестер Юнайтед” Италиянинг “Болонья” клубига Марко Арнаутовични сотиб олиш бўйича таклиф билан чиққани ҳақида хабар берилганди. Битим 8 миллион еврога баҳоланган.
