"Лейпциг" "Зальцбург" ҳужумчиси Бенжамин Шешко билан шартнома имзолаганини эълон қилди.
Клуб расмий сайти хабарига кўра, 19 ёшли словениялик билан шартнома 2028 йилнинг ёзига қадар имзоланади.
Ҳужумчи 2022/23 йилги мавсумни Австрия чемпионатида ўтказади, 2023 йилнинг 1 июлида эса Бундеслигага йўл олади.
Ўтган мавсумда Шешко “Зальцбург” сафида 39 та ўйинда майдонга тушиб, 12 та гол урди ва 8 та голли узатмани амалга оширди.