Амстердамнинг "Аякс" клуби ҳужумчиси Душан Тадич қароқчилар ҳужумидан сўнг енгил жароҳат олди, деб хабар беради Parool нашри. Воқеа 28 июль куни юз берган, бироқ бу хабар ОАВда фақат бугун пайдо бўлди.
Манбанинг хабар беришича, икки жиноятчи футболчига уйи яқинида ҳужум қилган. Тадич ва қароқчилар ўртасида муштлашув келиб чиққан. Душан жиноятчилардан қочиб, полицияни чақиришга муваффақ бўлган. Ҳуқуқ-тартибот идоралари мазкур ҳолат юзасидан суриштирув ишларини бошлаган.
Нидерландия чемпионатининг сўнгги мавсумида ҳужумчи 34 та учрашувда қатнашиб, 13 та гол (4 таси пенальтидан) урган ва 19 та голга ассистентлик қилган.