Amsterdamning "Ayaks" klubi hujumchisi Dushan Tadich qaroqchilar hujumidan so‘ng yengil jarohat oldi, deb xabar beradi Parool nashri. Voqea 28 iyul kuni yuz bergan, biroq bu xabar OAVda faqat bugun paydo bo‘ldi.
Manbaning xabar berishicha, ikki jinoyatchi futbolchiga uyi yaqinida hujum qilgan. Tadich va qaroqchilar o‘rtasida mushtlashuv kelib chiqqan. Dushan jinoyatchilardan qochib, polisiyani chaqirishga muvaffaq bo‘lgan. Huquq-tartibot idoralari mazkur holat yuzasidan surishtiruv ishlarini boshlagan.
Niderlandiya chempionatining so‘nggi mavsumida hujumchi 34 ta uchrashuvda qatnashib, 13 ta gol (4 tasi penaltidan) urgan va 19 ta golga assistentlik qilgan.
