"Манчестер Сити" ярим ҳимоячиси Бернарду Силва бош мураббий Хосеп Гвардиола қўл остида ишлаши ҳақида гапирди.

“Гвардиола сизга дам олиш кунлари бермайди. Унга юқори талаблар қўйилган, шунинг учун биз охирги беш мавсумда ҳам шундай юқори савияни сақлаб келмоқдамиз. Агар шундай талабчан мураббий бўлса, сиз доимо ҳушёр бўласиз, чунки 100 фоиз тайёр бўлмасангиз, ўйнамаслигингизни биласиз. Сиз бор кучингизни бериб, максимал даражада ўзингизни кўрсатишингиз керак”, - дея Силванинг сўзларини келтиради ESPN.

28 ёшли португалиялик 2017 йилнинг ёзидан буён "Сити" сафида тўп тепмоқда. У инглиз жамоаси сафида 166та ўйин ўтказиб, 29та гол урган. Силва "шаҳарликлар" билан бирга беш йил ичида 11 та совринни қўлга киритди.